ಅಯ್ಯೋ! ನಿಮ್ಮ ಬಾಬಾ ತಲಿಮೇಟೇ ಬಿಟ್ಹೋದ್ರ ಲ್ಲೇ ಆಫೀಸ್ಗೆ , ಅಂತ ಅಮ್ಮ ಈಗಲೂ ಕಿವಿಲಿ ಮಾರ್ಧನಿ. ಇದು ಮೂವತ್ತು ವರ್ಷದ ಹಿಂದಿನ ಡೈಲಾಗು. ಆಗ ಬಾಬಾ ಹತ್ತಿರ ‘ಬಜಾಜ್ ಚೇತಕ್’ ಸ್ಕೂಟರ್ ಇತ್ತು. ಇವತ್ತು ಬಾಬಾ ಇಲ್ಲ ಆದರೆ ಆ ತಲಿಮೇಟು ಅನ್ನೋ ಪದ ನನ್ನ ನಿತ್ಯದ ಬದುಕಲಿ ಅಚ್ಚಾಗಿದೆ.
ಒಂದಲ್ಲ ಎರಡಲ್ಲ ಮೂರುಬಾರಿ ಈ ತಲಿಮೇಟು, ಕ್ಷಮಿಸಿ ಹೆಲ್ಮೇಟ್ ಅಪಘಾತದಲ್ಲಿ ನನ್ನ ತಲೆನಾ ಸಂರಕ್ಷಿಸಿದೆ.ಶ್ರಾವಣದ ಜಡೀ ಮಳೆ, ಮಳೆ ಅಂದ್ರೆ ಮಮತೆಯ ಸಂಕೋಲೆ ಅಲ್ವಾ! ಅದೇನೋ ಹುಚ್ಚು ನನಗೆ, ಸುರಿವ ಮಳೆಲಿ ‘ರಿಮ್ ಜಿಮ್ ಗಿರೆ ಸಾವನ್ ಸುಲಗ ಸುಲಗ ಜಾಯೇ ಮನ್’ ಅರಿವಿಲ್ಲದೆ ಈ ಹಾಡು ಮನದೊಳಗಿನಿಂದ ತುಟಿ ಯಂಚಿನಲಿ ಗುನುಗುನಿಸುತ್ತೆ. ಅವತ್ತು ಹಾಗೇನೆ ಸಂಗೀತ ಕ್ಲಾಸ್ ಮುಗಿಸಿ ಮನೆಗೆ ಹೊರಡೋ ಸನ್ನದ್ದಿನಲ್ಲಿ, ನಿಲ್ಲದ ಮಳೆಯ ಬಗ್ಗೆ ಜಾಸ್ತಿ ಯೋಚಿಸದೆ, ಆ್ಯಕ್ಟೀವ್ ಹೊಂಡಾ ಚಾಲೂಮಾಡಿ ತಲಿಮೇಟು ಆಲಿಯಾಸ್ ಹೆಲ್ಮೇಟ್ ಧರಿಸಿ ಮನೆ ಕಡೆ ಹೊರಟೆ. ಮತ್ತದೆ ಹಾಡು, ಸುರಿವ ಮಳೆ ಹನಿಯನ್ನ ನಾಲಿಗೆಚಾಚಿ ಒಡಲೊಳಗಿಳಿಸಿ ನಲಿವ ಪರಿಯನ್ನ ಅನುಭವಿಸಿದ ನನಗೆ ಗೊತ್ತು. ಅರ್ಧ ತಾಸು ಭರ್ತಿ ಸುರಿದ ಮಳೆಗೆ ರಸ್ತೆಯೆಲ್ಲ ನೀರೋ ನೀರು.ಅದು ಮುಖ್ಯರಸ್ತೆ, ನನಗೆ ಹತ್ತು ವರುಷದ ಚಿರಪರಿಚಿತವೇ, ಜೊತೆಗೆ ಗುಂಡಿಗಳು ಸಹ. ಆ ರಸ್ತೆಲಿ ಪ್ರತಿ ಮಳೆಗಾಲದಲ್ಲೂ ಅಪಘಾತಗಳ ಅವಾಂತರಗಳು ಸರ್ವೇಸಾಮಾನ್ಯ. ಮುಚ್ಚಿದ ಗುಂಡಿಗಳು ಮತ್ತೆ ಮಳೆಗಾಗಿ ಹಪಹಪಿಸುವಂತೆ ಬಾಯ್ದೆರೆದಿರತ್ತೇ. ಆದರೂ ಈಬಗ್ಗೆ ಅಂದಾಜಿತ್ತು. ಅಲ್ಲೊಂದು ದೊಡ್ಡಗುಂಡಿ ತುಂಬಿದೆ, ಸ್ಪೀಡು ಕಡಿಮೆ ಮಾಡಿ ಲೆಪ್ಟನಲ್ಲಿ ಸಾಗಿದೀನಿ.. ನನ್ನ ಲೆಪ್ಟ್ ಪಕ್ಕ ಹೊಂಡದರಿವಿದೆ ನನಗೆ. ಆದರೆ ಟರ್ನಿಂಗ್ ನಲ್ಲಿ ಎದುರಿನ ಸವಾರ ಕಾರನ್ನು ಓವರ್ ಟೇಕ್ ಮಾಡೋಕೆ ಹೋಗಿ ನನ್ನ ಹೊಂಡಾಕೆ ತಗಲೋ ಸಂಭವ ಹೆಚ್ಚಿತ್ತು, ಅದನ್ನ ತಪ್ಪಿಸೋಕೆ ಸ್ವಲ್ಪ ಲೆಪ್ಟ್ ಚಲಿಸುವ ಹುನ್ನಾರದಲಿ, ನಾನು ನನ್ನ ಆ್ಯಕ್ಟೀವ್ ಹೊಂಡಾ ಕೆಳಗೆ ಬಿದ್ವಿ, ಪಕ್ಕದಲ್ಲಿ ಗಾತ್ರದಲ್ಲಿ ಹಿರಿದೆನುವ ಕಲ್ಲು ಎದ್ದಿದೆ, ತಲೆ ಸೀದಾ ಹೋಗಿ ಬಡೀತು. ಯಾರ್ಯಾರೋ ಬಂದ್ರು ಗಾಡಿ ಎತ್ತಿದ್ರು ಕಾರ್ಪೋರೇಷನ್ನವರಿಗೆ ಹಿಡಿ ಶಾಪ ಹಾಕಿದ್ರು, ಸರಣಿ ತಂದ ಅಪಘಾತ ಗಳ ವರದಿ ಒಪ್ಪಿಸೋರೊಬ್ರು. ಕ್ಷಣ ಮಾತ್ರದಲಿ ಎಲ್ಲವೂ ಮುಗಿದಿತ್ತು. ಗುಂಡಿಯಿಂದ ಯಾರದೊ ಸಹಾಯದಿಂದ ಮೇಲೆದ್ದು ನಿಂತಾಗಿತ್ತು, ಆದರೆ ನನಗೆ ಕೈಯೂರಿ ಏಳೋಕಾಗ್ತಿಲ್ಲ, ಗೊತ್ತಾಯ್ತ ಟಕ್ ಅನ್ನೋ ಶಬ್ದ ಆ ಮಳೆಲು ಅನುಭವಕ್ಕೆ ಬಂತು, ಸಾವರಿಸಿ ಮೇಲೆದ್ದೆ. ಮೊಣಕೈಗೆ ವೇಲ್ ಗಟ್ಟಿಯಾಗಿ ಸುತ್ತಿ ಸಿಕ್ಕಿಸಿ, ಸಾವಕಾಶವಾಗಿ ಸುಮ್ಮನೆ ಆ್ಯಕ್ಟೀವಾ ಸ್ಟಾರ್ಟ ಮಾಡೋಣಾಂತ ತಿರುಗಿದೆ, ದೊಡ್ಡ ಕಲ್ಲಿಗೆ ಬಡಿದ ರಭಸ ಆದರೂ ನಾ ಧರಿಸಿದ್ದ ಹೆಲ್ಮೇಟ್ ಇನ್ನೂ ನನ್ನ ತಲೆಲಿದೆ. ತೆಗೆವ ಧೈರ್ಯ ಮಾಡಿದೆ ಅರೆ! ಏನೂ ಆಗಿಲ್ಲ, ಸ್ವಲ್ಪ ಗೀರಿದೆ ಮಾತ್ರ. ಒಮ್ಮಲೆ ಹೃದಯ ಕರುಳು ಎಲ್ಲ ಬಾಯಿಗೆ ಬಂದ ಹಾಗೆ ಆಯ್ತು. ಕ್ಷಣ ಮಾತ್ರ ದಲಿ ಹೆಲ್ಮೇಟ್ ಇಲ್ಲದಿದ್ದರೆ?? ಅನ್ನೋ ಊಹೆನೆ ಅಘಾತವಾಗಿತ್ತು ನನಗೆ. ಇದು ಮತ್ತೆರಡು ವರ್ಷ ಕ್ಕೆ ಪುನರಾವೃತ್ತಿ, ರಸ್ತೆ ನಿಯಮಗಳನ್ನ ಪಾಲಿಸದೆ ನಮ್ಮಲೆಪ್ಟನಲ್ಲೇ ಓವರ್ ಟೇಕ್ ಮಾಡೋ ಪಡ್ಡೇ ಹುಡುಗರಿಂದ ಭಾರಿ ಅಲ್ಲದಿದ್ರು ನನ್ನ ಹೊಂಡಾ ಹ್ಯಾಂಡಲ್ ಹಿಂಬದಿಯಿಂದ ವೇಗವಾಗಿ ಬಡಿದು ಬಿದ್ದಾಗ ಎಡ ಮೊಣ ಕೈ, ಕಾಲು ಕ್ರಾಕ್ ಬಿಟ್ಟು ಟಿಶ್ಯೂ ಹರಿದಿದೆ, ಆದರೆ ತಲೆಯನ್ನ ಮತ್ತೊಮ್ಮೆ ಹೆಲ್ಮೇಟ್ (ತಲಿಮೇಟು) ಭಾರಿ ಆಘಾತದಿಂದ ರಕ್ಷಿಸಿದೆ. ಹೆಲ್ಮೇಟ್ ನ ರುಣಿಗಾಗಿ ಈ ಲೇಖನ ನಿಮ್ಮ ಮುಂದೆ.
ಹೆಲ್ಮೇಟ್’ ನಮಗೆ ಎಷ್ಟೆಲ್ಲ ರಕ್ಷಣೆ ಕೊಟ್ರು ಶೋಕಿ ಗಾಗಿ ಹೆಲ್ಮೇಟ್ ಇಲ್ಲದೆ ಓಡಿಸೋ ಮಂದಿಗೆ ಏನ್ನೆನ್ನಬೇಕು ಗೊತ್ತಾಗೊಲ್ಲ. ಹೆಲ್ಮೆಟ್ ಇಲ್ಲದೇ ತಲೆಗೆ ಪೆಟ್ಟು ಬಿದ್ದು ಅದೆಷ್ಟೋ ಜನರ ಜೀವನವೆ ಬಲಿಯಾಗಿದೆ. ಇತ್ತೀಚೆಗೆ ನಮ್ಮನ್ನಗಲಿದ ರಾಷ್ಟ್ರ ಪ್ರಶಸ್ತಿ ವಿಜೇತ ಸಂಚಾರಿ ವಿಜಯ್ ಸಾವು ನಮ ಗೊಂದು ಪಾಠವಾಗಬೇಕಿದೆ. ಇಂತಹ ಹಲವು ಉದ್ದುದ್ದಾ ಪ್ರಕರಣಗಳು ನಮ್ಮ ಕಣ್ಮುಂದಿದೆ.
ಹೆಲ್ಮೇಟ್ ಧರಿಸದಿರೋಕೆ ನೂರು ನೆಪಗಳನ್ನ ಹುಡುಕ್ತಿದಾರೆ ಇಂದಿನ ಯುವಜನತೆ. ನೆಪಗಳು ಸಾವಿರವಿರಲಿ ಹೆಲ್ಮೆಟ್ ಯಾಕೆ ಧರಿಸಬೇಕು? ಅದು ಮುಂಬದಿ ಸವಾರನಿಲಿ ಅಥವಾ ಹಿಂಬದಿ ಸವಾರ.ಇರಲಿ, ಹೆಲ್ಮೆಟ್ ಧರಿಸುವುದು ಎಲ್ಲ ರೀತಿ ಯಿಂದ ಒಳ್ಳೆಯದು ಅನ್ನೋ ಇಚ್ಛೆ ದೃಢವಾಗಿರಲಿ ಗೆಳೆಯರೆ. ರಸ್ತೆ ಗುಂಡಿಯಾಗಿದೆ, ಹಂಪ್ ಸರಿ ಇಲ್ಲ, ಸಿಗ್ನಲ್ ಸರಿ ಇಲ್ಲ ಎಂಬುದು ಒಪ್ಪಿಕೊಳ್ಳ ಬೇಕಾದ ಸಂಗತಿ ಹೌದಾದರೂ ನಮ್ಮ ಸಂರಕ್ಷಣೆಗೆ ಹೆಲ್ಮೆಟ್ ಧರಿಸಿದರೆ ಯಾವ ನಷ್ಟವೂ ಇಲ್ಲ ಅಲ್ವಾ?ಸರಕಾರದ ಹೊಸ ನಿಯಮದಂತೆ ದ್ವಿಚಕ್ರ ವಾಹನ ಸವಾರರಿಗೆ ಬಿಐಎಸ್ (Bureau of Indian Standards) ಸ್ಟ್ಯಾಂಡರ್ಡ್ ಸರ್ಟಿ ಫೈಡ್ ಹೆಲ್ಮೆಟ್ ಧರಿಸಲು ಮಾತ್ರ ಅವಕಾಶವಿದೆ.
ರಸ್ತೆ ಅಪಘಾತಗಳಲ್ಲಾಗುತ್ತಿರುವ ಸಾವುಗಳ ಸಂಖ್ಯೆ ತಡೆಗಟ್ಟುವ ಪ್ರಯತ್ನದಲ್ಲಿ ಭಾರತ ಸರ್ಕಾರದ ಸಾರಿಗೆ ಸಚಿವಾಲಯವು ಸುಪ್ರೀಂ ಕೋರ್ಟ್ ಸಮೀತಿ ನೀಡಿದ ಆದೇಶದ ನಿರ್ದೇಶನ ದ ಹಿನ್ನೆಲೆಯಲ್ಲಿ ಸಮಿತಿಯಲ್ಲಿನ ಬಿಐಎಸ್ ಮತ್ತು ಏಮ್ಸ್ ತಜ್ಞರ ಸಮಿತಿಯು ಈ ನಿಟ್ಟಿನಲ್ಲಿ ಮಾರ್ಚ್ 2018ರ ಮಾರ್ಗಸೂಚಿಗಳ ನಿಯಮದ ಮೇರೆಗೆ ಹಗುರವಾದ ಮತ್ತು ಬಲವಾದ ಹೆಲ್ಮೆಟ್ ಗಳನ್ನು ಬಳಸಲು ಸೂಚಿಸಲಾಗಿದೆ. ಆದ್ದರಿಂದ ಪ್ರತಿವರ್ಷ ಭಾರತದಲ್ಲಿ 17ಮಿಲಿಯನ್ ಹೆಲ್ಮೆಟ್ ಗಳನ್ನು ತಯಾರಿಸಲಾಗುತ್ತದೆ. ರಸ್ತೆ ಬದಿಯಲ್ಲಿ ಸಿಗುವ ಕಡಿಮೆ ಬೆಲೆಯ ಕೆಳ ಗುಣಮಟ್ಟದ ಹೆಲ್ಮೆಟ್ ಗಳ ಖರೀದಿಯ ಬಗ್ಗೆ ಯೋಚಿಸದಿರು ವುದೇ ಒಳಿತು. ಐಎಎಸ್ ಮಾನ್ಯತೆಯಿರುವ ಹೆಲ್ಮೇಟ್ ಗುಣಮಟ್ಟದಲ್ಲಿ ಯೋಗ್ಯವಾಗಿದೆ.
ಅಷ್ಟಕ್ಕೂ ಹೆಲ್ಮೇಟ್ ಯಾಕೆ ಧರಿಸಬೇಕು ಅನ್ನುವ ಒಂದು ಗಂಭೀರಚಿಂತನೆಗೆ ಉತ್ತರವಾಗಿ ನ್ಯೂರೊ ಸರ್ಜನ್ ಗಳ ವಿವರಣೆ ಹೀಗಿದೆ:
“ಅಪಘಾತ ಸಂದರ್ಭ ಹೆಲ್ಮೆಟ್ ತಲೆಗೆ ಮತ್ತು ಮೆದುಳಿಗೆ ಗಂಭೀರ ಏಟಾಗುವುದನ್ನು ತಡೆಯು ತ್ತದೆ.ತಲೆಬುರುಡೆ ಆಕಾರ ಕಳೆದುಕೊಳ್ಳುವುದನ್ನು ತಪ್ಪಿಸಬಹುದು. ಕಿವಿ ಮತ್ತು ಕಣ್ಣಿಗೂ ಸಂರಕ್ಷಣೆ ಒದಗಿಸುತ್ತದೆ. ಮೆದುಳಿಗೆ ಅಥವಾ ತಲೆಗೆ ಸಂಬಂಧಿಸಿದ ಚಿಕಿತ್ಸೆಗೆ ಅತಿಹೆಚ್ಚಿನ ವೆಚ್ಚ ತಗಲು ತ್ತದೆ” ಎಂಬುದಾಗಿದೆ. ಹ್ಞಾಂ! ಹೆಲ್ಮೆಟ್ ಹಾಕಿದರೆ ಕೂದಲು ಉದುರುತ್ತದೆ ಎಂಬುದು ಸಮಸ್ಯೆನೆ ಅಲ್ಲ ಅಲ್ವಾ? ಅದಕ್ಕೆ ಪರ್ಯಾಯ ಪರಿಹಾರ ಮಾರ್ಗ ಅನುಸರಿಸಬಹುದು.
ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಬೆಂಗಳೂರು ನಗರದಲ್ಲಿ ದ್ವಿಚಕ್ರವಾಹನ ಸಂಬಂಧಿತ ಅಪಘಾತ ದಿಂದ ಪ್ರತಿ ನಿತ್ಯ ಒಬ್ಬ ವ್ಯಕ್ತಿ ಸಾವಿಗೀಡಾಗುತ್ತಿ ದ್ದಾನೆ.ದ್ವಿಚಕ್ರವಾಹನದ ಅಪಘಾತದಿಂದ ಮರಣಿ ಸುವ ನಾಲ್ವರಲ್ಲಿ ಒಬ್ಬರು ಹಿಂಬದಿಯ ಸವಾರ ರಾಗಿರುತ್ತಾರೆ.ಪ್ರತಿವರ್ಷ 1.2ಮಿಲಿಯನ್ ಜನರು ರಸ್ತೆ ಅಪಘಾತಗಳಲ್ಲಿ ಮರಣಿಸುತ್ತಾರೆ ಮತ್ತು ಲಕ್ಷಾಂತರ ಮಂದಿ ಗಾಯಗೊಳ್ಳುತ್ತಾರೆ ಹಾಗೂ ವಿಕಲತೆ ಹೊಂದುತ್ತಿದ್ದಾರೆ. ಹೆಲ್ಮೇಟಿಗೂ ಒಂದು ಇತಿಹಾಸವಿದೆ ಗೊತ್ತಾ!ಮೊದಲ ಮಹಾಯುದ್ಧದ ನಾಯಕರಲ್ಲಿ ಒರ್ವರಾಗಿದ್ದ ಲಾರೆನ್ಸ್, ಇವರನ್ನು ಲಾರೆನ್ಸ್ ಆಫ್ ಅರೇಬಿಯಾ ಎಂಬ ಹೆಸರಿ ನಿಂದ ಕರೆಯಲಾಗುತ್ತಿದೆ.ಮೊದಲ ಮಹಾಯುದ್ಧ ದ ಸಂದರ್ಭದಲ್ಲಿ ಉಂಟಾಗಿರುವ ಅರಬ್ ಕ್ರಾಂತಿಯ ಶ್ರೇಯಸ್ಸು ಅವರಿಗೆ ಸಲ್ಲುತ್ತದೆ. ಲಾರನ್ಸ್ ಅಪಘಾತ ಇಂದಿಗೂ ನಿಗೂಢ.
‘ಬ್ರೌ ಸುಪೀರಿಯರ್100’ ಮೋಟಾರು ಸೈಕಲ್ ನಿಂದ ಮನೆಯಿಂದ ತೆರಳಿದ್ದ ಲಾರನ್ಸ್ ಇಬ್ಬರು ಸೈಕಲ್ ಸವಾರರನ್ನು ಬಚಾವ್ ಮಾಡುವ ಎಡವಟ್ಟಿನಲ್ಲಿ ತಮ್ಮ ಜೀವವನ್ನೇ ಕಳೆದುಕೊಂಡಿ ದ್ದರು. ತಲೆಗೆ ಗಂಭೀರ ಪೆಟ್ಟು ಮಾಡಿಕೊಂಡ ಲಾರನ್ಸ್ ಬಳಿಕ ಕೋಮಾವಾಸ್ಥೆಗೆ ಜಾರಿದ ಆರು ದಿನಗಳ ಬಳಿಕ ಸಾವನ್ನಿಪ್ಪಿದ್ದರು. ಬಳಿಕ ನಡೆದ ವಿಚಾರಣೆಯಲ್ಲಿ ಲಾರನ್ಸ್ ಹೆಲ್ಮೆಟ್ ಧರಿಸಿರಲಿಲ್ಲ ವೆಂಬುದು ತಿಳಿದ ನಂತರ ಹೆಲ್ಮೆಟ್ ಬಳಕೆ ಜಾರಿಗೆ ಬಂದಿತು.
ಯಾರು ಎಣಿಸಿರಲಿಲ್ಲ ಮುಂದೆ ಈ ದುರ್ಘಟನೆ ಯೆ ಭವಿಷ್ಯದಲ್ಲಿ ಲಕ್ಷಾಂತರ ಮಂದಿಯ ಜೀವ ರಕ್ಷಣೆಗೆ ಹೆಲ್ಮೇಟ್ ಕಾರಣವಾಗತ್ತೇಂತ. ಲಾರನ್ಸ್ ಮರಣದ ಬಳಿಕ ಹೆಲ್ಮೆಟ್ ಬಗೆಗಿನ ಅಧ್ಯಯನಕ್ಕೆ ಚುರುಕು ಮುಟ್ಟಿತು. ಅಲ್ಲದೆ ನಾಗರಿಕ ಸೇರಿದಂತೆ ಮಿಲಿಟರಿ ಅಗತ್ಯಗಳಿಗಾಗಿ ಸವಾರರು ಹೆಲ್ಮೆಟ್ ಧರಿಸುವುದು ಅನಿವಾರ್ಯ ಎಂಬುದು ಕಂಡು ಬಂತು. 1950ರಲ್ಲಿ ಮೋಟಾರು ರೇಸಿಂಗ್ನಲ್ಲಿ ಸವಾರರು ಫುಲ್ ಫೇಸ್ ಹೆಲ್ಮೆಟ್ ಧರಿಸುವುದು ಕಡ್ಡಾಯವಾಗಿತ್ತು. ಅಂತೆಯೇ 1954ರಲ್ಲಿ ಬೆಲ್ ತನ್ನ ಮೊದಲ ಆಟೋ ರೇಸಿಂಗ್ ಹೆಲ್ಮೆಟ್ ಗಳನ್ನು ನಿರ್ಮಿಸಿತ್ತು.ಇನ್ನೂ ನಮ್ಮ ತಲೆ ರಕ್ಷಕನಾ ಗಿರುವ ಹೆಲ್ಮೇಟ್ ವಿವಿಧತೆಯಿಂದ ಮಾರುಕಟ್ಟೆ ಯಲ್ಲಿ ಲಭ್ಯವಿದೆ. ಫುಲ್ ಫೇಸ್, ಆಫ್ ರೋಡ್, ಮೊಟೊ ಕ್ರಾಸ್, ಪ್ಲಿಪ್ ಆನ್, ಓಪನ್ ಫೇಸ್ ಮತ್ತು ಹಾಲ್ಪ್ ಹೆಲ್ಮೆಟ್, ಆದರೆ ಸಾಮಾನ್ಯವಾಗಿ ಫುಲ್ ಫೇಸ್ ಹೆಲ್ಮೆಟ್ ಗಳು ಅತ್ಯಂತ ಸುರಕ್ಷತೆ ಯನ್ನು ನೀಡುತ್ತದೆ. ಹೆಲ್ಮೇಟ್ ನ್ನು ಪ್ಲಾಸ್ಟಿಕ್, ಫೈಬರ್ ಗ್ಲಾಸ್ ಹಾಗೂ ಕಾರ್ಬರ್ ಫೈಬರ್ ನಿಂದ ತಯಾರಿಸಲಾಗುತ್ತದೆ.
ಹಾಗಿದ್ರೆ ನಮ್ಮ ತಲೆಗೆ ಸರಿಹೊಂದುವ ಹೆಲ್ಮೇಟ್ ಖರಿದಿ ಪ್ರಕ್ರಿಯೆಗಾಗಿ ಏನೆಲ್ಲ ಗಮನಿಸಬೇಕೆಂಬ ಅವಲೋಕನ ಮಾಡೋಣಾ. ತಲೆಯ ನೆತ್ತಿಗೆ ಸರಿಯಾಗಿ ಹೊಂದಿಕೆಯಾಗಿರಬೇಕು, ಇದರಲ್ಲಿ ಹೊಂದಾಣಿಕೆಯೆಂಬುದೇ ಇಲ್ಲ. ಒಮ್ಮೆ ಗುಣ ಮಟ್ಟದ ಹೆಲ್ಮೆಟ್ ಖರಿದಿಸಿದರೆ ಐದು ವರ್ಷ ಗಳಷ್ಟು ಬಾಳಿಕೆ ಬರುತ್ತೆ. ಬೇಕಾದಷ್ಟು ಅಲ್ವಾ? ಒಮ್ಮೆ ಹೂಡಿಕೆ ನಮ್ಮ ತಲೆಯ ರಕ್ಷಣೆಗೆ. ಬೆಲೆಯ ಲ್ಲಿ ಹೊಂದಣಿಕೆ ಬೇಡ, ಗುಣಮಟ್ಟ ಹಿರಿದಾಗಿರ ಬೇಕು ಅಲ್ವಾ?. ಆದರೆ ಈಗಲೂ ಆ್ಯಕ್ಟೀವ್ ಹೊಂಡಾ ಓಡಿಸುವಾಗ ಅಕ್ಕ ಪಕ್ಕದ ಸವಾರರು ಟ್ರಾಫಿಕ್ ನಿಯಮಗಳಿಂದ ಪಾರಾಗಲು ಹೆಲ್ಮೆಟ್ ಧರಿಸಿದ್ದು ಸಿಗ್ನಲ್ ದಾಟಿದ ಕೂಡಲೇ ತೆಗೆಯುವು ದು ತುಂಬಾ ಶೋಚನೀಯ ಸಂಗತಿಯಾಗಿದೆ.
ದಯವಿಟ್ಟು ಇದು ನನ್ನ ಅನುಭವದ ಮಾತು: ಗೆಳೆಯರೆ, ಸ್ಟೈಲ್ ಗಾಗಿ ಹೆಲ್ಮೇಟ್ ಧರಿಸಬೇಡಿ. ಕೇವಲ ನಿಮಗಾಗಿ ನಿಮ್ಮನ್ನು ನಂಬಿದವರಿಗಾಗಿ, ನಿಮ್ಮನ್ನು ಅವಲಂಬಿಸಿದವರಿಗಾಗಿ, ನಿಮ್ಮದೇ ಸುರಕ್ಷಿತೆಗಾಗಿ ಹೆಲ್ಮೇಟ್ ಧರಿಸಿ. ಬದಲಾವಣೆ ಜಗದ ನಿಯಮ. ನಿಮ್ಮ ಜೀವನ ಶೈಲಿಯಲ್ಲಿನ ಖಡ್ಡಾಯದ ಈ ಚಿಕ್ಕ ಬದಲಾವಣೆಗಾಗಿ ಹೆಲ್ಮೇಟಿ ಗೊಂದು ಮಹತ್ತಮ ಸ್ಥಾನವಿರಲಿ.
ಹ್ಯಾಪಿ ಡ್ರೈವಿಂಗ್ ಮತ್ತು ಸೇಫ್ ಡ್ರೈವಿಂಗ್ ಗೆಳೆಯರೆ…
ಶಾಲಿನಿ ರುದ್ರಮುನಿ, ಹುಬ್ಬಳ್ಳಿ
ಶ್ರಾವಣ 