ವರ್ಷದಿಂದ ವರ್ಷಕ್ಕೆ
ಹೀಗೇ ಸಾಗುತಿರುವುದು ಬಾಳು
ಎಲ್ಲಾ ಬರೀ ಓಳು ಓಳು
ವರ್ಷದಿಂದ ವರ್ಷಕೆ ಜಿಗಿದಾಟ
ಎಲ್ಲಾ ಒಂಥರಾ ಗೋಳು ಗೋಳು.
ಹೀಗೇ ಸಾಗುತಿರುವುದು ಬಾಳು
ಎಲ್ಲಾ ಬರೀ ಓಳು ಓಳು
ವರ್ಷದಿಂದ ವರ್ಷಕೆ ಜಿಗಿದಾಟ
ಎಲ್ಲಾ ಒಂಥರಾ ಗೋಳು ಗೋಳು.
ಈ ಹುಡುಕಾಟದ ಅವಿರತ ಆಟದಲಿ
ನಿಂತು ತೆಗೆದುಕೊಂಡಿರುವೆವೇ ವಿರಾಮ?
ಜೀವನದರ್ಥಗಳˌಸುತ್ತಣ ಸೊಗದೈಸಿರಿಯಲಿ
ಅನುಭವಿಸಿದ್ದೇವೆಯೇ ಒಂದರೆಕ್ಷಣ ಆರಾಮ?
ಬಾಲ್ಯದಲ್ಲೆಲ್ಲಾ ವಿದ್ಯಾಭ್ಯಾಸˌಹುಡುಗಾಟ
ಉದ್ಯೋಗˌಬಡ್ತಿ ಸಂಪಾದನೆಗಳಿಗಾಗಿ ಪರದಾಟ
ಸಿಗದ ಸುಖದ ಬೆಂಬತ್ತಿ ಪೇಚಾಟ ತೊಳರಾಟ
ಸಿಕ್ಕಿದೆಯೇ ಈ ಅನ್ವೇಷಣೆಗೊಂದು ಗಮ್ಯ?
ನಿರಂತರ ಪ್ರಯಾಣದಲಿ ಗುರಿಯಲ್ಲ ಅಂತ್ಯ
ಅದಕಾಗಿ ಬರೀ ಶ್ರಮಪಡುವುದು ನಿರರ್ಥ
ನಡುನಡುವೆ ನಿಂತು ಆಸ್ವಾದಿಸು ಸೌಂದರ್ಯ
ಹೆಚ್ಚುವುದಾಗ ಪಯಣದ ಸೊಗ ಜೀವನದ ಮೌಲ್ಯ.
✍️ಸುಜಾತ ರವೀಶ್
ಮೈಸೂರು
ಶ್ರಾವಣ 