ನಾಯಕನಾಗಿ ಜನಿಸಿದರೂ ಧನ-ಕನಕ, ರಾಜ್ಯ ಭೂಮಿ ದಾಹಕ್ಕೊಳಗಾಗಲಿಲ್ಲ ಕನಕ/
ವಿನಯದಿಂದ ವ್ಯಾಸ ಗುರುಗಳ ಮನ ಸೂರೆಗೊಂಡ ಕನಕ/
ಸೂರ್ಯ,ಚಂದ್ರರಿಗೆ, ಹರಿವ ನದಿ ಸಮುದ್ರಗಳಿಗೆ, ವಾಯು, ವರುಣರಿಗೆ ಯಾವ ಕುಲ ಎಂದ ಕನಕ/
ದೇವರು ಎಲ್ಲರಿಗೊಂದೇ ಎನುವ ಪರಮ ಸತ್ಯವನು ಅಂದೇ ಸಾರಿದ್ದ ಕನಕ/
ಜಾತಿ,ಪಂಥದ ದಳ್ಳುರಿಯಿಂದ ಹೊರಬಂದವರ ಕಾಣೆವು ಇಲ್ಲೀ ತನಕ,
ನಿಮ್ಮಾತ್ಮ ಕನಲಿದೆಯೇ? ಕನಕ/
ಕನಕ ಸಾಹಿತ್ಯದಲ್ಲಿ ಅಭಿವ್ಯೆಕ್ತವಾಗದ ಜೀವನದ ಸತ್ಯ, ಸಾರಗಳು ಇಲ್ಲವೇ ಇಲ್ಲ ಕನಕ/
ಮೋಕ್ಷದಾಯಕ ಪರಮ ಮಂಗಳ ಮೂರುತಿ ಆದಿಕೇಶವನಿಗೆ ಅತಿಪ್ರಿಯನಾದ ಕನಕ/
ಆದಿಕೇಶವನ ದಾಸ ನಾನೆಂದು ಗರುವದಿಂದಲಿ ಹಾಡಿ ನಲಿದಾಡಿದ ಮಹಾಮಹಿಮ ಕನಕ/
ಗಳಿಸಿದಷ್ಟೂ,ಉಳಿಸಿದಷ್ಟೂ, ಆಯುಷ್ಯ ಇರುವವರೆಗೆ ಗಳಿಸಬೇಕೆನುವ ಅಧಿಕಾರ ಪಿಪಾಸುಗಳಿಗೆ ಮಾದರಿ ಬಾಡವೆಂಬೂರಿನ ಬಾಡದ
ವಿಮಲ ಚರಿತ ಕನಕ
✍️ ಕಮಲಾಭಿತನಯೆ
ಶ್ರೀಮತಿ ರೇಖಾ ನಾಡಿಗೇರ ಹುಬ್ಬಳ್ಳಿ.
ಶ್ರಾವಣ 